ყინულებით დაფარულო

არწივთა საბუდარო,-

გველეთო და ბუჩუკურთავ

ხახმატო და გუდანო!

არაგვო და დათვისურავ,

წყალო,კლდეტიტ ნაწურო

ჩემო საველგუჯაუროვ,

ჩემო სამოგანძუროვ..

ბოროლავ და საქუხარავ,

არწივებო,ორბებო,

უჩემოდ და უიმედოდ

 დარჩენილო სწორფერო!

ზენაჯვარო,ქვენაჯვარო

დახავსულო ნიშებო,-

სალოცავად მოსული ვარ,

იქნებ რამე მიშველოთ.

გამიხსენით ყველა კარი

თქვენი მყუდრო ტაძარის,

ისევ თქვენი ჯიშისა ვარ,

მომდგამს თქვენი გვარ-ძვალი!

სულ სხვანაირ გზას მივკვალავ

ვარ საწუთროს სხვა მგზავრი,

მყავს თავისი სალოცავი

მაქვს თავისი საგზალი!

მამულეთო,დედულეთო

კერავ,აკვნის ნარწევო,

უნდა თქვენად დარად დარჩეს

ჩემი წილი სამზეო!