ვინც წავა და ხელს დაგვიქნევს,

თავის წუთისოფელს მოჭამს,

აქეთ ქალებს დააკლდება, დააკლდება იქით ოჯახს.

ვინც დარჩება, ავანსებით ნამუსსს აღარ შეიბოჭავს,

არც ძალიან ააჩქარებს თავის სატალახოს ოჩანს.

ხმას გაყიდის - პურს იყიდის,

გახსნის ტყუილების ბოხჩას,

მაგრამ იმდენს ვერ გაბედავს,

ყალბი მონეტები მოჭრას...

შენ რა გიჭირს,

შენს ოთახში მზე შემოდის საღამოჟამს,

ხოლო ღია სარკმელიდან ლურჯი მონასტერი მოჩანს.