სულში ნათელი ისე მიღამდა... 

ეს ბედიც ჩემი ტყუპის ცალია; 

როგორც შევძელი ისე მიყვარდა, 

მე არ შემეძლო უფრო ძალიან. 

ამ წუთისოფლის მთელი ავ-კარგი 

დუღდა და სული კბილით მეჭირა, 

არდასაკარგი მაინც დავკარგე 

და ვერ შევძელი გადამერჩინა; 

ოცნებაც სულში ისე მიმიცხრა... 

და ღველფი შემრჩა-კვამლის შემცველი; 

მან ხელაღებით გადამივიწყა, 

მე დავივიწყე-როგორც შევძელი. 

დავრჩი ამარა უფლის შეწევნის, 

დრო კი მიფრინავს ქაფის მოგდებით... 

ისე ვიცოცხლე, როგორც შევძელი, 

და როგორც შევძლებ-ისე მოვკვდები.