საკუთარ სახეს სარკეში

ნუ გეშინია:

მე ვერასდროს ამოვიცნობ 

ჩემს სახეს შენში.

სისხლის წვეთი,

საპნის ქაფზე რომ მსხვილდება თანდათანობით,

ჩვენ ვერასდროს შეგვაერთებს,

ნუ გეშინია.

ნუ გეშინია:

მე ვერასდროს გადმოვლახავ შენს გლუვ

ზედაპირს

და ვერც აქეთ გამოგიხმობ;

ვერც მეხსომები.

მე არასოდეს არ შევიმჩნევ შენს შეცდომებს -

ვიდრე ღიმილს ამაყოლებ, ჯერ რომ იბნევი.

ნუ გეშინია:

მე და შენ ერთად არ დავბერდებით..