...

როდესაც იცი-

შეგიძლია, მოხვიდე და გადამარჩინო,

თუ ფანჯარასთან დგომა ზოგჯერ ნიშნავს-

ვვარდები.

და რომ შიშველი-

სულ არ ნიშნავს- ოდნავ შემცივდა.

ვამბობ-

გელოდი.

ვდუმვარ-

მიშველე.

როცა არ ტყდები-

მოდიოდი და სულს უსწრებდი.

და სულ არ ნიშნავს, კარს გიღებდე-

თითქმის მიყვარხარ.

და თუ მიჩვევა-

შეგეზარდე ტანზე ხავსივით.

ვამბობ-

ქარია.

თვალში-

სისველე.

ყელთან შეხება-

ვიცი სადღაც წვიმა დაიწყო.

მიწა მძიმდება. თმაში სუნი ნედლი ბალახის...

ლურჯი კედლები-

ესე იგი-

ჩუმად დანგრევა.

ვეღარ ვსუნთქავდე-

შიში დავმალო.

ვარდნა ფანჯრიდან, ნიშნავს-

ერთხელ ქარი ჩადგება-

ანუ-

დამთავრდა.