ფრთები რად გინდათ პოეტებო, ცაში რას ეძებთ?

თავს რად იტყუებთ, სიმაღლისა არ გქონდეთ შიში,

რატომ გგონიათ არდადებით მიწაზე ფეხის,

მზესთან ახლოს ხართ და ამიტომ სხივისგან იშვით...

ფრთები რად გინდათ პოეტებო, ისედაც შეძლებთ,

მზე თუ ვერა და ღამ-ღამობით აინთოთ მთვარე,

მიწაზე დარჩით, სანამ სიტყვა ლექსისთვის გეძებთ,

მერე დაბერდით და ჭაღარა სტროფები თვალეთ...

და თუ ფრენაა, მაშინ მოდით იფრინეთ უფრთოდ,

ატყდება ფრთები ანგელოზსაც - გსმენიათ ალბათ,

თქვენ ხალხს სჭირდებით პოეტებო უფალზე უფრო,

ფრთები რად გინდათ პოეტებო, დაეშვით დაბლა!!!