მე ბავშვობისას მეკითხებოდნენ:

`რომ გაიზრდები, რა გამოხვალ, აბა, გვითხარი?~

და ვპასუხობდი: `მფრინავი და პარიზში გადავფრინდები!~

`იცი სად არის პარიზი?~

`ვიცი!~

`მაგრამ ფრენა ჯერ რომ არ იცი... ჯერ ვერ გაგიშვებთ!~

და იცინოდნენ უფროსები...

მე გავიზარდე და ისინი ახლაც სიცილით მეკითხებიან:

`აბა, პარიზში როდის მიდიხარ?

შენ შეგიძლია უკვე გაფრინდე, უკვე დიდი ხარ!~

ახლა გაფრენას არავინ მიშლის,

არც თვითმფრინავის მიჭირს მიგნება,

მაგრამ მე ვიცი, ჩავალ პარიზში

და იქ პარიზი აღარ იქნება.