ახლა რომ იყოს ოცდაჩვიდმეტი!..

ხანდახან, ისე, სხვათა შორის,

(შემინდე, ღმერთო!)

რომ წარმოვიდგენ... გული მტკივა!..

(ვთავხედობ ერთობ)

მე გული მტკივა არა იმაზე,

(გამიგეთ სწორად),

რომ იქნება მსხვერპლი დიდძალი,

არამედ... ღმერთო! _

აზელილა ქვეყნის რბილ-ძვალი,

მზე გაუხდიათ სათამაშოდ, მზე...

ოინბაზებს.

... არამედ, გული მტკივა იმაზე,

რომ ქვაფენილზე ბევრად ნაკლებს,

გაცილებით,

წილად ხვდეს დახლა...

ოცდაჩვიდმეტი რომ იყოს ახლა.