ნუ გეშინია,

შენც ისწავლი ორი ხელით პირის დაბანას,

გადაივარცხნი აბეზარ ქოჩორს,

შენც გაგიჩნდება დიდობაში სახათაბალო,

სატრაბახო და საყოყოჩო...

ნუ Gგეშინია, ჯერ ადრეა გათვლა იმისა,

თვინიერი თუ ყოჩი იქნება,დიდობაც მოვა, ძირ-ღვიძილიც გადაივლის და

ვიდრე გზა-შარას გამოიგნებდე _

რამდენჯერ უნდა გაგაწბილოს თავნება გოგომ,

რამდენჯერ უნდა შეგარცხვინონ ქუჩის ბიჭებმა...

დაგჩაგრავს ვინმე, ხელაღებით გაგკილავს ზოგი, _

ვიდრე დიდობას მოგანიჭებდნენ.

ხოლო მანამდე: დაატოლე ბავშვობა სინდისს,

ცოტაღა დაგრჩა, კაცურად რომ გადმოაბიჯო,

ნუ დაიჩოქებ, ნუ იდარდებ, არ შეგეშინდეს,

არ შეგეშინდეს,

შენი ჯერიც დადგება, ბიჭო!