უკუსვლა ნინო ქოქოსაძე
პოეზია
2011-09-29 10:58:28
300/46

აი, ავხადე ხუფი თაფლიან ქილას, შევისუნთქე მისი არომატი
და თაფლი ყვავილებად გადაიქცა.

აი, დავჯექი წაბლის ხის მაგიდასთან, დავწერე ლექსი
და მაგიდა ისევ წაბლის ხედ გადაიქცა...

მე გავრბივარ შენგან, შორს...შორს...
რამეთუ მეშინია - მკერდში არ ჩაგეკრა და
ისევ ნეკნად არ გადავიქცე.



  • კომენტარის დატოვება შეუძლიათ მხოლოდ დარეგისტრირებულ მომხმარებლებს!
    
  • 45
  • გიორგი ლელაძე
  • 2011-12-28 14:06:38
  • უძლიერესი ლექსია winked ვახ როგორ მომეწონა love
    გოგა პავლიაშვილი:
    "ინგლისური ანეგდოტი ქართველისთვის სასაცილო არაა, ისევე როგორც ქართული ინგლისელისთვის,
    ასე რომ ყველა ერმა თავისი ლაბადა მოირგოს და თავისივე ლაბადაში
    განვითარდეს ასე აჯობებს.... ასე მგონია მე "

    როცა ადამიანისათვის ინგლისური იუმორი გასაგები არ არის, ესე იგი ინტელექტი "ცოტას" ღალატობს და ბევრი, ძალიან ბევრი უნდა იკითხოს, მხოლოდ, ბავშვობიდან. :)

    პატივისცემით: ტენდი

    "მაგრამ პიკასოს "შავი კვადრატი" ვიღაცისთვის მხოლოდ შავი კვადრატია"

    პიკასო არფერ შუაშია "შავ კვადრატთან", ყველაფერში კაზიმირ მალევიჩია "დამნაშავე" :) :)
    სირცხვილია ხალხო!
  • 41
  • მაკა კოლხი
  • 2011-10-01 11:18:42
  • დიდი ბრძოლები გამართულა აქ და მაინც ვერ მივხვდი, კონვენციამ გაიმარჯვა თუ ვერლიბრმა? wink

    სვანი, მაგარი ხარ! laughing მომეწონა შენი ეს გამოსვლა: "მთის შვილისთვის პოეზია სხვა სამყაროა და მე ეს სამყარო მიყვარს რითმიანი რაკრაკა და არა ისეთი როგორიც ვერლიბრია."- რას ვერჩით ამ ადამიანს ხალხო? მას აქვს თავისი მკვეთრად ჩამოყალიბებული გემოვნება და როგორც ვხედავთ, გარემო თუ გენეტიკურ ბუნებასაც მოუხდენია გავლენა მისი გემოვნების ჩამოყალიბებაში. მთის ხალხისთვის ნამდვილად უცხო იყო "არა-რაკრაკა" პოეზია, ქალბატონი ნინოც ალბათ ამას გულისხმობდა, როცა გამოთქვამდა მოსაზრებას. რომ ვაჟა ვერანაირად ვერ დაწერდა ვერლიბრსო. თუ ეს იგულისხმეთ, გასაგებია ქალბატონო ნინო, მაგრამ თუ სხვა მოსაზრება გაქვთ რამე, თუ რატომ ვერ დაწერდა ვაჟა ვერლიბრს, ძალიან საინტერესო იქნება მისი მოსმენა.ძალიან საინტერესო მოსაზრებაა! smile

    ჰო, კიდევ ანეგდოტებზე იყო აქ საუბარი. ზაზა, შენი ბრძნული მოსაზრება ჩავიწერეთ დავთარში, wink მაგრამ მომიტევე და უნდა შეგეწინააღმდეგო და ნაწილობრივ უნდა დავეთანხმო გოგას. ნაწილობრივ იმიტომ, რომ ანეგდოტს გააჩნია. თუ ყოველდღიურ ყოფით თემებზეა, არაფერი განსაკუთრებული განმარტება რა თქმა უნდა არ სჭირდება, მაგრამ თუ სახასიათო ანეგდოტია, აქ უკვე რთულად არის საქმე. smile ანეგდოტი ზოგადად სხვადასხვა ერის ხასიათს, ფსიქოლოგიას, ზნე-ჩვეულებებს გამოხატავს და უდგება იუმორისტულად. რომ გავიგოთ და ჩავწდეთ იუმორს, ერის ხასიათს უნდა ვიცნობდეთ კარგად თუ არა, ზერელედ მაინც. სხვანაირად გაგვიჭირდება აღქმა. სვანებზე და გურულებზე ანეგდოტი, დამიჯერე, ძალიანაც რომ მოინდომო, მაინც გაუგებარი იქნება მოზამბიკელისთვის, მართლა ნაბადი უნდა მოახურო, რომ ჩაწვდეს, იმანაც თუ უშველა. smile
    ლექსი: რიტმულად და ინტონაციურად მოწესრიგებული მეტყველება, რომელიც ენის პროსოდიული ბუნების შესაბამისად განსაზღვრული ლექსთწყობის კანონებზეა დამყარებული


    ქ-ბ ნინო,
    განათლებებს, საზღვრები არა აქვს და ამ აქსიომას კი აქვს ჩარჩო, რომელსაც ვიღაცეები არ ცნობენ და გადალახავენ ხოლმე.
    ეს კომენტარებიც ლექსებია და დავტკბეთ ხოლმე მათი კითხვით wink
    ნათია პაპიძე 24 და მაგით რის დადგენას ცდილობ??:)

    ნინიკო მშვიდობაძე მე შენი მისამართით არც დამიწერია გენაცვალე.ავტორმა გამოთქვა ესეთი "აქსიომა" რომ ქართველებისთვის ვერლიბრი უცხო არაა და ვინც ამას არ აღიარებს გაუნათლებელია..დაე ვიყო გაუნათლებელი და როგორც მოდაშია ბნელი მაგრამ ვერ მოვიწონებ ვითომ პოეზიას და თუ გინდათ სახრჩობელაზე გამიყვანეთ მაინც ვიტყვი რომ "ბრუნავს":D:D
  • 38
  • ნათია პაპიძე
  • 2011-09-30 14:33:45
  • მგონი, უმჯობესი იქნება თუ ამ თემაზე აქტიურად ვისაუბრებთ ფორუმში და შესაბამისი თემაც გაიხსნება.


    და გამიჩნდა შეკითხვა აქვე: ლიპო, რამდენი წკის ხარ? smile


    რამდენი წლის,ანუ...
    ლიპო, ლიპო, არც მიფიქრია, რომ ჩემს განათლებაზე გამესვა ხაზი. ასე კატეგორიული არ უნდა იყო, შენთვის შეიძლება არაა ლექსი, ჩემთვის კია... ნუ იქნები კატეგორიული, ნუ იქნები smile აი, ერთ რამეს გეტყვი, ხუტა ბერულავა წერდა რითმიან ლექსებს, მაგრამ ის ჩემთვის პოეტი არასოდეს ყოფილა და არაა smile არც მისი რითმიანი ლექსებია პოეზია ჩემთვის... ამიტომ ნუ იქნები კატეგორიული smile
    თქვენ იყავით განათლებულები და მე ისევ ჩემ მყარ და უმრავლესობისთვის მისაღებ აზრზე დავრჩები.თუ გინდა წავაკითხოთ ეს ლექსი ჩვეულებრივ მკითხველს არასალითერატურო ფორუმზედა 100 დან 1 გამოჩნდება ისეთი ვინც გეტყვის რომ ეს ლექსია.არ გინდა სცადო??მემგონი რირს იმ ხალხის აზრის გათვალისწინება ვინ შემფასებელია შენი პოეზიისა
    ეეე, რაზე დავობთ და კამათობთ რა smile
    ის კი არაა მთავარი, მქნელი რასაც შექმნის, არამედ ის, როგორია აღმქმელი, ვისთვისაც შექმნეს... შორს წავიდე ეგებ, მაგრამ პიკასოს "შავი კვადრატი" ვიღაცისთვის მხოლოდ შავი კვადრატია და ვიღაცისთვის მთელი ფილოსოფია. ჰო, აქ ლიპომ დაწერა, გენიოსი ვაჟა და გალაკტიონი არ წერდნენ ვერლიბრსო და კარგი ქენი, ნინო, რომ გალაკტიონის გენიალური ლექსი მოიყვანე იმის დასადასტურებლად, რომ წერდა ხოლმე გალაც ვერლიბრს.
    "სიყვარულო _
    უთვალავი წლის მზეთუნახავო,
    ამ გაზაფხულსაც
    შენი თმების სურნელი მოაქვს
    და მარტის ცაზე
    შენი თვალებიკიაფობენ ვარსკვლავებივით.
    ამ გაზაფხულზეც
    თექვსმეტი წლის გოგოს ჰგავხარ _
    უთვალავი წლის მზეთუნახავო.
    სიყვარულო,
    გათბა ხნული,
    გაღვივდა თესლი,
    გაჟღენთილია შენი სუნთქვით
    თითქოს ჰაერიც
    და მინდობილი იდუმალ სხივს _
    უნაპირო სივრციდან დაძრულს,
    ამაოდ გეძებ,
    ქრები, ოდეს გიახლოვდები" – აი, კიდევ ერთი ლამაზი ნიმუში გივი ალხაზიშვილისა... smile
    მეტი რაღა ვთქვა, აღარ ვიცი... პოეზიაა ეს, აბა რაა...
    ჰო, ვიმეორებ, მე მაგალითად, ყველაფერი პოეზია მგონია, გააჩნია, როგორ შევხედავ... დოჩანაშვილის "სამოსელი პირველი" პოეზიაა ჩემთვის და ძალიან პოეტურად წერს ბულგაკოვიც smile
  • 34
  • ნათია პაპიძე
  • 2011-09-30 11:20:16
  • ციტატა: ოთარ პაპიძე
    ოთარ პაპიძე   

    ხშირია პროზასა და პოეზიას შორის შუალედური ჟანრებისა და ფორმების შექმნაც, მაგრამ მათ გამყოფად ყოველთვის რჩება ლექსის სტრიქონად ორგანიზებული მეტყველება, რიტმულ-ინტონაციური პერიოდულობა.

    ^
    ეს შენ ბიძაშვილო, ამავე ლექსიკონიდან


    ბიძშვილო, შენი აზრით სტრიქონად ორგანიზებული მეტყველება,რიტმულ–ინტონაციური პერიოდულობა – ვერლიბრს არ სჭირდება? winked
    პირადად ჩემი აზრია, რომ ვერლიბრი გაცილებით მეტ სიღრმეს აზროვნების თუ გამომსახველობისას მოითხოვს. თუმცა, ეს არ ნიშნავს იმას, რომ კონვენციურ ნამუშევრებს ვებრძვი და ვაძაგებ.
  • 33
  • ნინო ქოქოსაძე
  • 2011-09-30 10:19:33
  • ბატონო სანდრო, ჭეშმარიტებას ბრძანებთ! ჰიმნოგრაფიიდან იღებს სათავეს.

    ერთს დავამატებ: როგორც ადამიანი არ ირჩევს ღმერთს, არამედ ღმერთი ირჩევს ადამიანს (ეს ბიბლიაში წერია.) ზუსტად ასეა: ლექსი თავად ირჩევს რა ფორმით მოვიდეს. ჩემთან ასეა! ხელოვნურად ვერ ვარეგულირებ. ყოფილა - უკვე დაწერილში აღმომიჩენია რითმა. მოკლედ, თავის ჭკუაზე დამატარებს:) ამას წინათ, როის პოსტი ვნახე ფეისზე, ამბობდა: ქართული პოეზია უფრო განვითარებულია, ვიდრე ქართველი მკითხველიო. დამაფიქრა ახლა ამან...მე ვისურვებდი ჰარმონია დამყარებულიყოს, და ალბათ, სწორედ ამის გამო ვწერთ მე და თქვენ ამ გრძელ-გრძელ პოსტებს. ვფიქრობ, სწორად ვიქცევით:)
    პოეზია - ჩემთვის პირადად, გახლავთ მსოფლმხედველობა და მე მას ხშირად მედიცინაშიც კი ვხედავ:)
    წარმატებები ყველას!
  • 32
  • ფლე-ში
  • 2011-09-30 10:00:12
  • ალბათ ახალს არაფერს ვიტყვი, რომ ვერლიბრი ქართული პოეზიისათვის ახალი ხილი არ არის. მას ჯერ კიდევ ქართველი ჰიმნოგრაფოსების მოღვაწეობიდან უჭირავს დომინირებული ადგილი. გასული საუკუნის დასაწყისში ქართველი სიმბოლისტებისა და ფუტურისტების ვერსიფიკაციულ ძიებებს თვალი რომ გადავავლოთ, დავრწმუნდებით, რომ დღესდღეობით ვერლიბრის თვალსაზრისით რაც ხდება ქართულ პოეზიაში, ახალი კი არ არის ასი წლის წინათ დაწყებულის გაგრძელებაა. ავადსახსენებელი საბჭოთა რეჟიმს იმჟამინდელი ვერსიფიკაციული ძიება რომ არ ჩაეკლა და შეეჩერებინა, დღეს ვერლიბრსა და მის კეთილხმოვანებას ქართველი მკითხველი და მისი ყურთასმენა ისე მიიღებდა, როგორც რითმიანი ლექსისას. გასული საუკუნის ოციან წლებში ნაძალადევად შეჩერებული ვერსიფიკაციული ძიებები ათეული წლების შემდეგ წარმატებულად გააგრძელეს ბესიკ ხარანაულმა, ლია სტურუამ, ოთარ ჭილაძემ, თედო ბექიშვილმა, მამუკა წიკლაურმა, შოთა ჩანტლაძემ, ჯარჯი ფხოველმა, გივი ალხაზიშვილმა და ბევრმა სხვამ...და თუ ვინმე ამ შესანიშნავ პოეტებს,( რადგანაც ისინი ვერლიბრის ფორმით წერდნენ უმეტესწილად,) პოეტებად არ აღიარებს, ეს მისი პრობლემა უფროა, ვიდრე ამ ცნობილი პოეტებისა.
    სისულელე და მკრეხელობაა, მავანმა მავანს ურჩიოს ვერსიფიკაციული თვალსაზრისით რა აირჩიოს. ვერლიბრი თუ რითმიანი ლექსი. პოეტს სრული უფლება აქვს აირჩიოს ის, რაც მის სულს ესალბუნება და რაც გულთან ახლოსაა. მთავარი ფორმა კი არ არის, მთავარი შინაარსია. თუკი დღესდღეობით ვერლიბრი მომძლავრდა, ეს კონვენციური ლექსის ხელოვნურ დევნას როდი ნიშნავს.
    რაც აქამდე ვთქვი, ეს ყველაფერი ელემენტარული ჭეშმარიტებაა დღეს და არც ახლის თქმის პრეტენზიით დამიწერია. უბრალოდ მინდოდა შემეხსენებინა მოკამათეებისათვის, რომ კონვენციურიცა და ვერლიბრიც ქართული პოეზიის ერთი უკვდავი მედლის ორივე მხარეა და ორივე თანაბრად ასხივოსნებს, რაზეც თბება ისედაც აზღარბული და გათავხედებული დროის სიავით დაცხრილული ქართული სული.
  • 31
  • ნინო ქოქოსაძე
  • 2011-09-30 08:32:03
  • ვაჟა ვერანაირად ვერ დაწერდა ვერლიბრს. აი გალაკტიონი კი წერდა.
    "ვინ არის ეს ქალი ასეთი ცისფერი" გაგიგიათ ეს ლექსი გალაკტიონისა?

    რა ვიცი, მაპატიეთ და უკვე ეჭვი შემეპარა:)

    პატივსაცემია ყველას აზრი, მაგრამ პირველყოვლისა ის აზრი, რომელიც შენზე უფრო კომპეტენტურმა ადამიანებმა აღიარეს. ვინ ხარ რომ საპირისპიროს ასე თავდაჟერებულად ამტკიცებ? მაქსიმუმ შეგიძლია სთქვა: დიახ, ასეა მიღებული, მაგრამ მე არ მომწონს...ეს, სხვა საქმეა! ხოლო მტკიცება იმისა რომ ქართველისათვის ვერლიბრი უცხოა, ბოდიშით და არის უცოდინარობა და სისულელე.
    ან იქბებ არც სტურუა გაგიგიათ, არც ხარანაული, არც რატიანი...აღარაფერს ვიტყვი ჩანტლაძესა და კაჭარავაზე. სირცხვილია ხალხო!
  • 30
  • ოთარ პაპიძე
  • 2011-09-30 03:22:05
  • მითხარით ვერლიბრი,რომელსაც საყოველთაო აღიარება აქვს მიღებული, ვერ მეტყვით, გენიოსი ვაჟააო ამბობდნენ ზევით. ვაჟა, გალაკტიონი, ტერენტი და მისთანანი გენიოსები იყვნენ, რატო არ წერდნენ ასე მაშტაბურად ვერლიბრს? ახალიაო არ მითხრათ. ისინი დროს წინ უსწრებდნენ.


    ხშირია პროზასა და პოეზიას შორის შუალედური ჟანრებისა და ფორმების შექმნაც, მაგრამ მათ გამყოფად ყოველთვის რჩება ლექსის სტრიქონად ორგანიზებული მეტყველება, რიტმულ-ინტონაციური პერიოდულობა.

    ^
    ეს შენ ბიძაშვილო, ამავე ლექსიკონიდან
    მე გავრბივარ შენგან, შორს...შორს...
    რამეთუ მეშინია - მკერდში არ ჩაგეკრა და
    ისევ ნეკნად არ გადავიქცე.

    +1 ამას მხოლოდ. მე ერთ რამეს დავამატებდი ვინც ვერლიბრს პოეზიას არ უწოდებს, მან პოეზია არც იცის.
    ფაქტია რომ ამ ნაწერმა ამოდენა აზრტა სხვადასხვაობა გამოიწვია და მაშასადამე საინტერესოა.მაგრამ მე მაინც ჩემს ურყევ სვანურ აზრზე ვრჩები და ვთვლი რომ ვერლიბრი ლექსი არაა და ურითმობა სადაცაა ეგ ან ჩანახატად ან ესედ ან პროზად ან და რადაც გინდათ იმად გაასაღეთ და ლექსს ნუ დაარქმევთ..მთის შვილისთვის პოეზია სხვა სამყაროა და მე ეს სამყარო მიყვარს რითმიანი რაკრაკა და არა ისეთი როგორიც ვერლიბრია.არ ვუჩივი კითხვის ნაკლებობას და მე ურიტმო ლექსის წაკითხვას მირჩევნია წავიკითხო პროზა და მეცოდინება მაინც რომ არ უნდა ვეძებო *სირაკრაკე* და არც უკმარისობის განცდა დამრჩება.ნამდვილად არ მეგონა ქარტველ კაცს ურითმო და თუნდაცგენიალური ფრაზა ლექსად თუ მიაჩნდა..მე მაპათიეთ :(
    მოუყევი ზაზავ ფრანგს სვანებზე ანეგდოტი და მასეთი კომენტარის გაკეთების სურვილი აღარ გაგიჩნდება wink
  • 26
  • ზაზა-ბათუმელი
  • 2011-09-30 01:14:12
  • ანეგდოტს რად უნდა ყაბალახი? თუ სასაცილოა სადაურიც გინდა იქაური იყოს!
    ჩაიწერეთ smile

    ინგლისური ანეგდოტი ქართველისთვის სასაცილო არაა, ისევე როგორც ქართული ინგლისელისთვის,
    ასე რომ ყველა ერმა თავისი ლაბადა მოირგოს და თავისივე ლაბადაში
    განვითარდეს ასე აჯობებს.... ასე მგონია მე wink wink wink
  • 24
  • ნინო ქოქოსაძე
  • 2011-09-30 00:44:32
  • ფრანგებიც კი დაობენ იმაზე, ვერლიბრი ლექსია თუ არა:):):)
    T. S. Eliot wrote, "No verse is free for the man who wants to do a good job."


    დაობენ არა, დაობდნენ :)

    ტომას ელიოტი 1965 წელს გარდაიცვალა. ეგ საკითხი გასულ საუკუნეში გადაწყდა ვერლიბრის სასარგებლოდ:)

    ფრანგებიც კი დაობენ იმაზე, ვერლიბრი ლექსია თუ არა:):):)
    T. S. Eliot wrote, "No verse is free for the man who wants to do a good job."
  • 22
  • ნინო ქოქოსაძე
  • 2011-09-29 21:27:26
  • საღამო მშვიდობისა.

    მადლობა ყველას, ვინც აზრი დააფიქსირა.
    პირველ რიგში ვიტყვი, რომ ეს ლექსი ძალიან შორს დგას ისეთი განსაზღვრებისგან როგორიცაა "გენიალური". არამც და არამც, ძალიან გთხოვთ. გენიოსი მე ვაჟა ვიცი ქართულ პოეზიაში:)

    ვერლიბრი რომ პოეზიაა ამაზე უკვე აღარსად არ კამათობენ და ნუ გახსნით ასეთ თემას. უბრალოდ, მოდით ადამიანს ვურჩიოთ ასე კატეგორიული ნუ იქნება, ნუ ჩასვამს საკუთარ თავს ჩარჩოში და მიიღოს სიახლე საკუთარ გონებაში, თუ მას მართლა უყვარს პოეზია, ეს სიყვარული აუცილებლად მიიყვანს მასთან (ანუ მის ყველა ფორმასთან) საზიარებლად.
    ბოლო დრომდე მე, პირადად, ვერ მივიღე ბიტნიკების პოეზია, მაგრამ მაგის დროც მოვიდა, ანუ ისე არ წავედი ამ ქვეყნიდან არ გამეგო მათი "ყმუილი":)
    ანუ იმის თქმა მინდა, რომ პოეზიის აღქმა ის ნიჭია, რომელიც სულ ვითარდება და იხვეწება მაძიებელ ადამიანში.
    რაც შეეხება ლექსის მუსიკალობას, მას მარტო რითმა არ განსაზღვრავს. არსებობს შიგა დინებები. ხმოვნების და თანხმოვნების განმეორება, შიდა რითმები, ალიტერაციები, რაც საბოლოო ჯამში ქმნის მუსიკას. ეს საკმაოდ რთულია. თუ მოახერხებ საკუთარი მუსიკა დაუკრა ლექსში, ეს დიდი ბედნიერებაა. რომც არ მოეწონოთ ჩემი ნაწერი, ყველაზე მეტად მიხარია როცა მუსიკას სცნობენ. (ყოფილა ასეც:)
    მოკლედ, ბევრი ვილაპარაკე თუ ცოტა, კარგი იქნება ამ ზღაპარს პოეზიის აღქმის რაობაზე თუ დამიჯერებთ:)...ისე კი, კაცმა არ იცის რა არის პოეზია:)))

    19:56

    იმდენი ხანი იღამა ღამემ;

    დილას-მშვიდობის ხელს არ ართმევდა,

    მარადისობის ჟინი მოუსპო, აისმა-

    რადგან, მაინც გათენდა.

    ასეა, კაციც განდიდებისთვის,

    როცა ცხარობს და არა ნელდება,

    რაც უნდა ბნელეთს აფაროს თავი,

    დიდხანს ვერ გასტანს, დაათენდება.

    ორს პლიუს ორი, ოთხია მხოლოდ,

    პასუხს არა აქვს მეორე გვერდი.

    ფერმწერად შერჩა ისტორიას, თუ:

    კომპოზიტორად ჯუზეპე ვერდი?

    პრინციპის გატან-გათრევისათვის,

    უპრინციპონიც დაგთხრიან თვალებს.

    ლექსს რომ რითმს მოხსნი, მშრალი ჰანგები,

    გადაიხდიან მუზების ვალებს?

    იმდენი ხანი იღამა ღამემ,

    დილას, მშვიდობის ხელს არ ართმევდა,

    ველოდი, დიდხანს ველოდი, ხოდა;

    ბოლოს, გათენდა. გ.პ.




    wink პიროვნულად ლექსი არავის ეხება,
    გლობალურად ვთვლი და მხოლოდ ჩემი აზრია,
    ვისგრვებდი რომ ვცდებოდე. wink
  • 20
  • ნათია პაპიძე
  • 2011-09-29 20:51:33
  • ზაზ, ახლა შენს კომენტარს ვკითხულობდი და მომინდა ვერლიბრის განმარტება მენახა და რაღ შორს წავიდოდი, აქ,ჩვენს ლექსიკონს მივაშურე და სპეციალურად ლიპოსთვის:

    ვ ე რ ლ ი ბ რ ი - (ფრანგ. vers libre - თვისუფალი ლექსი) ურითმო ლექსი, რომლის ტაეპები არათანაზომიერია და მარცვალთა რაოდენობა ნებისმიერი. თავისუფალია აგრეთვე ტაეპების შეწყობა და სტროფული კომპოზიცია, მაგრამ აუცილებელია ტაეპთა სალექსო სტრიქონებად განლაგება და რიტმულ-ინტონაციური შეწყობა.

    მაპატიეთ, იქნებ ფორუმზე ჯობდა ეს ჩანაწერი გამეკეთებინა,მაგრამ...იმედი მაქვს, ქ-ნი ნინო არ მიწყენს, ფორუმზე ჯერ ნაკლებად იხედებიან საიტის წევრები, იქაურობასაც მალე "ავახმაურებთ".
  • 19
  • ზაზა-ბათუმელი
  • 2011-09-29 20:47:06
  • ვერლიბრი ლექსი არააო ახალია ეს, სწორად შენიშნა ეს ბოდიში და მაწანწალამ smile , ლიპო მე შენ ადგილას გავეცნობოდი შესაბამის ლიტერატურას. იყოს რაც წერია აქ, ცალკე თემაც შეიძლება ამ ყველაფრის შესახებ, უბრალო მკითხველი,
    ბატონო სანდრო მტავარი ის კი არაა ნინო უსმენს თუ არა, რას იტყვის "კნიაგინია მარია ალექსეევნა", მთავარი ისაა, რომ ნინოს პასუხს სიამოვნებით კითხულობენ სხვები, რაზეცაა აქ საუბარი გასაგებია თქვენთვის და ნინოსვის, მაგრამ სხვებსაც აქვთ თავიანთი ეტაპები გასავლელი და ეს კომენტარები ხელს უფრო უწყობენ ამასი ვიდრე უშლიან.
    საიტზე არ უდა იყოს სიტუაცია "ძაღლი ყეფს, ქარავანი მიდის", მხოლოდ რითმიანი ლექსი ჰგონია ლიპოს ლექსი, ამიტომ ლიტერატურის მიწოდება და ერთმანეთთან საუბარი ბევრად მნიშვნელოვანია, ვიდრე იგნორი. კი იცით ეს ყველაფერი ჩემზე კარგად. smile
    აქვე მოგიკითხეთ პატივისცემით. smile
  • 18
  • მაკა კოლხი
  • 2011-09-29 19:53:21
  • ლიპო, არ არის ეს აქ განსახილველი თემა. ამისთვის არსებობს ფორუმი და შეგვიძლია იქ გამოვთქვათ ჩვენი აზრები. მეც უპირატესობას ვანიჭებ რითმიან ლექსებს, მაგრამ ეს იმას არ ნიშნავს რომ ურითმოები ლექსად არ აღვიქვა, მითუმეტეს, თუ მართლა პოეზიაა და არა უბრალო სიტყვების რახა-რუხი.
  • 17
  • ოთარ რურუა
  • 2011-09-29 19:52:09
  • +222222222222
    მაკა კოლხი ვერლიბრი არ არის ლექსი და ამას ხმამაღლა ვიყვირებ :)მე არ ვსაუბრობ ისეთ კომპეტენტურ ხალხსე ვინც აქ აკომენთარებთ ჩემი გამოკლებით..მე საუბარი მაქვს ჩემნაირ უბრალო მკითხველზე ვისაც იმითომ უყვარს ლექსი რომ მასში რითმა იგრძნოს.(თავმდაბლობაში არ ჩამითვალო,არ ვარ თავმდაბალი მაგრამ..)კიდევ ერთხელ აღვნისნავ გენიალურია მაგრამ არა ლექსი..მაპატიოს ავტორმა
  • 15
  • mawanwala
  • 2011-09-29 19:43:58
  • ლიპო ლიპარტელიანი,

    უფორ კორექტური ხომ არ იქნებოდა, რომ გეთვათ ვერლიბრი ლექსია მაგრამ მე არ მომწოს?

    ანუ, მარტო მე თქვენ და რამდენიმე კაცი არ/ვერ წყვეტს მაგას და...
    მაკა კოლხი არანაირი ტენდენცია და არანაი რიმონატრება და ა.შ ურითმო ნაწერს არ ჰქვია ლექსი და ეს გინდ მოეწონოს ვნმეს გინდ არა..ლექსის მთავარი შემფასებელი არის საზოგადოება და მის უმრავლესობას ვერ მოაწონებ იმას რომ ლექსი ჰქვია კითხულობს როგორც ლექსს და შერჩება გენიალური მაგრამ ურითმო ფრაზა.ან არის მეორე ვარიანტი მე ვარ იმდენად უგემოვნო რომ ვერ ჩავწვდი ამ ყველაფერს:)
  • 13
  • mawanwala
  • 2011-09-29 19:39:14
  • არადა, მთლიანობიდან გამომდინარეა სწორედ ულამაზესი თავად ფინალიც
    .მაკა კოლხი


    ზუსტად :)
  • 12
  • მაკა კოლხი
  • 2011-09-29 19:34:47
  • ზოგადი ტენდენცია არსებობდა ადრე, კლიშე ერთგვარი, რომ ლექსი აუცილებლად რითმიანი უნდა ყოფილიყო. მაგრამ კარგა ხანია უკვე ეს ტენდენცია დაირღვა პოეზიაში, თუმცა საზოგადოება ვერ ეგუება და მსგავსი ტიპის განცდები მკითხველთა მხრიდან წარსული პოეტური გაგება-აღქმის სევდიანი მონატრება უფრო მგონია, ვიდრე ის რომ ვიღაცას ეს ნამდვილად არ მოსწონს. smile

    როგორ შეიძლება ნორმალურ და გემოვნებიან მკითხველს თუნდაც ლექსის ეს ულამაზესი ფინალი, თუ მთლიანი ლექსი არა, -არ მოეწონოს. არადა, მთლიანობიდან გამომდინარეა სწორედ ულამაზესი თავად ფინალიც. smile
    მოკლედ, ვის როგორ არ ვიცი, მაგრამ მე პირადად მომწონს ლექსის ეს ფორმა და ქალბატონი ნინოს ღრმა პოეზია.თითქმის ყოველ ლექსში ახერხებს თქვას რაღაც განსაკუთრებული, ნიშანდობლივი და საინტერესო!
  • 11
  • mawanwala
  • 2011-09-29 19:33:39
  • მომეწონა, მიუხედავად იმისა რომ ცოტა ბანალურია ჰაზრი, ცემის აზრით რარათქმა უნდა, ძალიან ორიგინალურად არის შერულებული :)

    წარმატებები!
    ნინიკო გასაგებია რასაც ამბობ და აზრი მეც მოვიწონე .მაგრამ,ურითმობის მტერი ვარ და მომკალით:)მართლა გენიალურია რისი ციტირებაც მოვახდინე ზევით ის განსაკუთრებით მაგრამ ლექსი არაა :(
  • 9
  • ფლე-ში
  • 2011-09-29 18:20:00
  • ნინო, ძვირფასო!
    ნუ უსმენ, რას იტყვის "კნიაგინია მარია ალექსეევნა".
    მადლობა მკითხველს:)

    რითმა ლექსის სამკაულია. უდაოდ!...და როგორ მშურს ახლა მათი, ვისაც წინ აქვს ბედნიერება - აღმოაჩინოს პოეზია სამკაულჩამოხსნილ ლექსებში.

    "ურითმობას ვერ ვითან ვერსად და პირველრიგში ლექსში" ?
    ნეტავ სად არის კიდევ აუტანელი ურითმობა? ჰო, კარდიო-რეანიმაციაში! რა თქმა უნდა:) განსაკუთრებით პაციენტი ვერ იტანს...

    ყველას გასაგონად ვამბობ, (საკუთარი თავისაც) ნუ დავიზარებთ, რომ გამოქვეყნებამდე - გადავიკითხოთ საკუთარი კომენტარები.
    ლიპო, ხშირად ურითმო ლექსი სჯობს რითმიანს, უნდა დაიჯერო ეს smile ერთ იაპონურ ტანკას დაგიწერ და მიხვდები, რომ ასეა:
    "ერთხელ ხუმრობით დედაჩემი მხრებზე შევისვი,
    იგი ისეთი მსუბუქი იყო, რომ
    ტირილი მომერია და ვერ ვზიდე"...
    smile
    ლექსი მხოლოდ რითმები არაა, ლიპო... აზრი თუ არაა, ფასი არა აქვს რითმას
    არ ვიცი არ ვიცი.ისეთ ხალხს მოსწონს ეს ვისაც ასე თუ ისე ობიექტურებად ვთვლი მაგრამ მე ვერ მოვიწონებ ერთი უბრალო მიზეზის გამო ურითმობას ვერ ვითან ვერსად და პირველრიგში ლექსში..ნააზრევი ძალიან მაგარია ეს ძალინ მომეწონა
    მე გავრბივარ შენგან, შორს...შორს...
    რამეთუ მეშინია - მკერდში არ ჩაგეკრა და
    ისევ ნეკნად არ გადავიქცე.
    მაგრამ მაინც შეუფასებლად
    მე გავრბივარ შენგან, შორს...შორს...
    რამეთუ მეშინია - მკერდში არ ჩაგეკრა და
    ისევ ნეკნად არ გადავიქცე.

    ეს განსაკუთრებულად მართლაც, წინები არცაა ჩემი საჭირო აქ საჭირო.
    +
    პირველად რომ წავიკითხე, ძალიან იმოქმედა. ახლაც. ძალიან მომწონს...
  • 3
  • ნათია პაპიძე
  • 2011-09-29 13:29:17
  • ეს არის პოეზია, აბა, რა არის მაშინ პოეზია, თუ არა – ეს უკუსვლა!

    საერთოდ, როდესაც რამეს წარმოვიდგენ, თვალებს ვხუჭავ–ხოლმე.
    თქვენებს როცა ვკითხულობ, თვალდაუხუჭავად მოდიან კადრები,ლამაზი,ლამაზი და მძაფრი თავისი სიმსუბუქით!
  • 2
  • ლევან დევაძე
  • 2011-09-29 12:55:13
  • მე გავრბივარ შენგან, შორს...შორს...
    რამეთუ მეშინია - მკერდში არ ჩაგეკრა და
    ისევ ნეკნად არ გადავიქცე.

    love
    ნააზრევი ძალიან მომეწონა და ვასამპლიუსებ, ტუმცა ეს პოეზიაა?
    წარმატებებს არ გისურვებ, რადგან ისედაც წარმატებულიუ ადამიანი ჩანხარ, როცა ასე ფიქრობ!!