* * * "ამ უსალბუნო სევდის ზღვარი რომელი არის?" (მთარგმნელი: ალექსანდრე ელერდაშვილი) ^{ექსკლიუზივი}

ამ უსალბუნო სევდის ზღვარი რომელი არის?

ამ უზღუდო გზის მეგობარი რომელი არის?

ეს გონია თუ გაოგნება?! - რა არის, ღმერთო?

ეს სულია თუ სატრფო არის? - რომელი არის?

ეს მარადმნათი ჩირაღდანი სამყაროისა

თუ არც უღვთოა, არც ღვთის გვარის... რომელი არის?

ეს უნაპირო ზღვა სავსეა მარგალიტებით

და ადამის ძის ლალ-გოვარი რომელი არის?

გონებას ვიმღვრევ მე ფიქრებით, მაგრამ არ ვიხი,

ეს გზა სწორია თუა მცდარი.... რომელი არის?

ჩემს სიტყვებს ყიბლა თუ არა აქვს, ის მაინც მითხარ -

დადუმებული საუბარი რომელი არის?