* * * შემიტყუა სიმართლემ
შემიტყუა სიმართლემ: ერთადერთი მეგონა,
გვიან გადამარწმუნეს, რაღა უნდა მეღონა?!
ავდექი და გავტეხე საკუთარი ციხე და
თავი მოვიტყუე და გამოვედი ჩიხიდან.
ამ სიმართლით გავზომე მაშრიყი და მაღრიბი,
მაღალს - აღიარებულს - ვამჯობინე მაღლები.
ვადღეგრძელე დღეები - ხან ნელა და ხან ჩქარა,
კახურს - დაყოვნებული - ვამჯობინე ხვანჭკარა.
მომეკიდა ლექსივით და, როდესაც შევთვერი,
ჰარმონიის გაკვეთილს მიტარებდნენ ყრუები,
მაგრამ დაყოვნებული მოქმედების შედევრი
ვეღარც მომატყუებს და აღარც მოვეტყუები.
2001
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru