* * * როგორც თქვენთვის ცნობილია ექსკლიუზივი
როგორც თქვენთვის ცნობილია,
როგორც მოგეხსენებათ,
ვერც ჭორებმა შეგვაცდინეს,
ვერც ბოროტმა ენებმა;
როგორც ვამბობთ,
როგორც ითქვა
ანუ როგორც იტყვიან,
ერთადერთი პასუხი აქვს
მერმისს ათასკითხვიანს;
როგორც არაერთხელ გვითქვამს,
როგორც ზემოთ აღვნიშნეთ,
ფრთიან სიტყვას დროზე უნდა
სტაცო ხელი აღვირზე;
როგორც ვიცით,
როგორც იცით
ანდა როგორც იციან,
როგორც ხშირად მიგვანიშნებს
მკაცრი ინტუიცია;
როგორც ადრრეც მოგახსენეთ,
როგორც ბრძენი გვასწავლის,
როგორც კარი გვიდასტურებს
სამოთხის და აღსავლის;
როგორც გვირჩევს შედარება
ძველისა და ახლისა,
როგორც ზემოთ აღვნიშნეთ და
როგორც ქვემოთ აღვნიშნავთ...
1981
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru