რას ვაქნევ მეფეთ მეფობას
რას ვაქნევ მეფეთ მეფობას,
ზღვათა და ხმელთა ფლობასა,
ოქროთ ნაგებსა პალატსა,
ბჭეთა ლალ-ალმასობასა,
სპათა განგებას, გმირობას,
სეფობა-დარბაზობასა,
გულს _ ლომის მსგავსსა და მკლავთა
ვეფხისებრ კისკასობასა;
მზეთა-მზეობას, მსოფლიოს
სხივ-ნათლით ლამაზობასა,
ენას _ თერიაყ-სამსალას,
სიტყვათა მუსიკობასა,
ჰაეროვნებას ცისკრისას,
ცისა და ქვეყნის ტრფობასა _
თუ ვერ-რა დამხსნის, კეკლუცო,
შენგან გულს ლახვარ-სობასა!..
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru