მაჩხანელი დიმიტრი
გაზიარება

აღსდექ, მწერლობავ 

დაჟანგდი, ხმალო, ჩასველდი, თოფო,
წავიდა თქვენი დრო და დღეობა,
აღზდექ, მწერლობავ, და გაგვიწიე
მოსამართლობა, ძმობა, მზეობა.

გაჰქრი, მტერობავ, ჩაძაღლდი, შურო,
დღეს დრო დაგვიდგა განათლებისა,
აღზდექ, მწერლობავ, და ამოფხვერი
ყოველი თესლი ბოროტებისა.

მოკვდი, სისაწყლევ, შორს უმეცრებავ, 
თქვენ ჭირად გაჩნდა მეცნიერება,
აღზდექ, მწერლობავ, და მოგვანიჭე
ცოდნა, სიმართლე, ბედნიერება.

ნუ გრგვინავ, ცაო, ნუ სჭექავ, მეხო,
თქვენგან არ ძრწიან სიმართლის მტერნი,
აღზდექ, მწერლობავ, და ამომუსრე
ორ-ფეხა მგელნი და ჭია-მტვერნი!..

??????