ნაწყვეტები
... ნუ მეტრფი ქალწულს,
ჭაბუკო
ნუ მეტრფი ქალწულს, ჭაბუკო,
ნუ ამბობ: შემიყვარეო;
ჯერ მიჩვენე რამ გმირობა,
ქვეყანა ანეტარეო,
დაჩაგრულ მოძმეთ უშველე,
სიცოცხლე გაიმწარეო
და მერე ჩემი მშვენება
მალამოდ მოიხმარეო.
ნუ ჰგმინავ, ლომო, ტყვედ-ქმნილო,
ნუ გაგტეხია გულია,
აღზდეგ გასწორდი წელშია,
ვით ალვა ედემს რგულია,
დალეწე მტრისა ბორკილი,
დუშმანს გაუფთხე სულია
და დაიბრუნე დიდება,
ღალატით დაკარგულია.
ნუ იამაყებ, თუნდ იყო
ცხრა-თავა ბაყბაყ დევია,
ნუ იტყვი: ის რას დამაკლებს,
მე ვარო მძლეთა-მძლევია!
გახსოვდეს: კოვზსა პაწიას
დიდი ზღვა დაულევია,
“ალვის ხე, ცამდის ასული
ჭინჭველას წაუქცევია”!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru