ახმატოვა ანა
გაზიარება

განხეთქილება (მთარგმნელი მეტრეველი ლელა) 

1

არა დღეებმა, არა თვეებმა,
ჩვენ განშორების წლებმა დაგვღალა,
ძვირად დაგვიჯდა თავისუფლება _
საფეთქლებს ამკობს უკვე ჭაღარა.

ბოლო მოეღო გაცვლას, გაცემას
და აღარ ისმენ უკვე დილამდე,
როგორ იქცევა თავისმართლებად 
უდარებელი ჩემი სიმართლე.

2

როგორც ეს ხდება განშორებისას,
მოგვაგონდება შეხვედრის ჟამი,
უკანასკნელად იმღერებს ჩიტი,
გასპეტაკდება ყოველი წამი.

თუმც სიხარული წარსულს მიბარდა,
ყინვამ დაგვაზრო გულისგულამდის,
გაგვახსენდება, როგორ გვიყვარდა
და ერთმანეთზე როგორ ვზრუნავდით.

3

უკანასკნელი სადღეგრძელო

ვსვამ სადღეგრძელოს დაქცეულ სახლის,
მწარე ცხოვრების,
ერთად ყოფნისას მარტოობის, 
შენთვის ბრძოლების,
ტყუილს და ღალატს ნაჩვევ ბაგის,
ცივი თვალების,
თვით ღმერთისაგან მიტოვების,
არდახმარების.

??????