"ოცდაერთი რიცხვი. ორშაბათი. ღამე." (მთარგმნელი მეტრეველი ლელა)

ოცდაერთი რიცხვი. ორშაბათი. ღამე.

სიზმარეულ ნისლში გახვეული ქალაქი.

ამიხსენით ვინმემ, ო, მითხარით რამე, -

ვინ შეთხზა, რომ არის სიყვარული მარადი.

უსაქმობის გამო ეს იწამა ყველამ

და გონების საღ ხმას აღარავინ იგონებს,

სიყვარული უნდათ, სიყვარულის სჯერათ,

სიყვარულზე წერენ გულისმომკვლელ სტრიქონებს.

დაინახა ცოტამ ამ ყველაფრის მიღმა -

სიყვარულის მითი ხალხის მონაგონია...

მეც შემთხვევით ამას გადამყარა ფიქრმა

და მას შემდეგ თავი ავადმყოფი მგონია.