ყვავილს
გაზაფხულისა ველთა შვენებავ,
ყვავილო ნაზო, ყვავილო მჭკნარო,
არა, არ მინდა ხელი შეგახო,
არ მინდა ასე დაგასამარო.
შენ უჩემოდაც ზამთრის ქარბუქი
გაგანადგურებს, მოგიღებს ბოლოს,
საკმარისია ხეობის სიომ
ოდნავ შეხებით გამოგიქროლოს.
გხედავ და ვფიქრობ, როცა შენს ახლო
ღეროს აქანებს ნიავი ფრთხილი,
რა უფრო ადრე ჭკნება და ჰქრება -
საყვარლის ტრფობა თუ ეგ ყვავილი?
1910
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru