ნაწყვეტები
ყაყაჩო აყვავებულა,
ვარდი ყელამდე მოსულა,
სიო სისინებს და ბაღი
შვენებით გარემოცულა.
მიყუჩებულა, დაღლილა
სიმშვენიერე გრძნეული,
და სცურავს მთვარე ზეცაში
ოქროს შიბ-შემოხვეული.
მე კი ყვავილებს დავეძებ
მიუსაფარი, დაღლილი,
ვერსად ვიპოვე, რომ მინდა
ერთი ისეთი ყვავილი.
და ბაღი თითქო უსულო
შვენებით გარემოცულა,
ყაყაჩო აყვავებულა,
ვარდი ყელამდე მოსულა!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru