ვით გრიგალის შემდეგ ტყე-ველი
ყველა დასრულდა! ვით გრიგალის შემდეგ ტყე-ველი,
განადგურებით სავსე არის ეგ ჩემი გული.
ცაზე მისცურავს ბადრი მთვარე შუქთამფრქვეველი
და ცის უდაბნო უდაბნოა სევდით მოცული.
ფეხქვეშ მიგდია დამსხვრეული სწრაფვათა ნავი,
მაგრამ იმედი მაინც სცოცხლობს კვლავ მომხიბლავი -
კვლავ ტალღებს ელის... ვით გრიგალის შემდეგ ტყე-ველი
იმავე გრიგალს ელოდება დაუძლეველი.
1912
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru