ვინ არის ეს ქალი?

Lecharme inattendu d’unbijou - rose et noir -Baudlelaire

Lademoiselle bleue aux bords frais de la sourse - Th. Gautier

Lamelancoliedes soleils couchants - Poul Verlaine

...et les roses es trop hautes - H. de Régnier*

მიმაფრენდა ნაპრალებზე ლურჯა ცხენი,

გადვიჩეხე,

უკურნებლად დაჭრილი ვარ...

დამეხსენი!

შეკიდებიან მთვარეს - როგორც მძიმე მტევნები,

თეთრ-ვარდისფერი ალუჩები და შადრევნები.

ქანდაკებებმა ჩაიარეს მოხდენილ წყებად.

სადღაც შორს მუსიკა ქარივით კითხულობდა:

ვინ არის ეს ქალი, ვინ არის ეს ქალი

ასეთი ცისფერი?

ჩახმახის წუთი. ბნელ სივრცეში აშლილი ბოლი,

შავი ყვავილის სამუდამოდ მკვდარი ფოთოლი.

ლჲუციფერი: -

ვინ არის ეს ქალი, ვინ არის ეს ქალი

ასეთი ცისფერი?

1916

* მოულოდნელი მომხიბვლელობა სამკაულისა - ვარდისფერისა და შავის - შ. ბოდლერი

ცისფერი ქალწული ნაკადულის გრილ ნაპირებზე - თ. გოტიე

ჩამავალ მზეთა მელანქოლია - პ. ვერლენი

...და ვარდები მეტად ტანმაღალი - ა. რენიე