გზაზე ფოთლები ყრია
გზაზე ფოთლები ყრია,
მიეჩქარება სწრაფი,
ვით გაზაფხული მღვრია,
მდინარეების ქაფი.
შორი ნანგრევის კეფა
სჩანს, ქარიშხალი ნახა;
ისმის ძაღლების ყეფა,
რომ... გამახსენდა... აჰა!
მაგრამ ჩემს გულში მჯერა
სუნთქვა ახალი ქროლის,
გამარჯვებული მღერა
გამარჯვებული ბრძოლის.
1916
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru