შავი სვეტები
მოაქვს დეპეშებს შავი სვეტებით
შემოხაზული მისი სახელი,
ორკესტრი ტირის თავგამეტებით
მისი რიტმებით თვალ-ანახელი,
ასკეტი, ბრძენი, პოეტი, მუშა
განათებული, სიცივის ბრწყინვით
როგორც იელვებს ხანდახან შუშა
აფეთქებული ცეცხლით და ყინვით
ჩასვენებული სპეტაკ მინაში,
არასდროს სახე მისი არ კვნესის,
მისი სამარე დროთა წინაშე,
განახლებული კუბო რამზესის.
1924
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru