ქარი მღერის თავისუფალ ხეტიალს
მე გავიარე იდუმალი სამოთხის ახლო,
თავს დამცქეროდა ღამის ტატნობი,
გზა იყო ცვარით გადანადნობი,
სული უბინო და უმოსახლო.
ფიქრების გამო სხვისა და სხვისა
ქვეყნების ახალს ვუცქერდი ტრიალს,
მოქროდა ქარი მიწის და ზღვისა
და თავისუფალს მღერდა ხეტიალს.
1924
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru