გზად ვეშურები მგზავრი
გზად ვეშურები მგზავრი.
ტყეს მიჰფენია თებო,
ჩემი სალამი, მძლავრო
კავკასიონის მთებო.
დარიალიდან გუშინ
ღვარმა მოყარა ხერგი,
სალი კლდეების ღრუში
მღვრიედ გრგვინავდა თერგი.
გაქრა ფიქრების ზვავი,
მზიან ამინდსაც ველი.
მთიდან ჩამოდის კრავი,
მთისკენ მიილტვის შველი.
1925
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru