ძველისძველ ღვინოს
ძველისძველ ღვინოს და მძიმე მტევნებს,
ფეერიულად მკრთოლავ აკიდოს -
სვამს და თავისთვის თვალყურს ადევნებს,
რომ თვალებს ღვინო არ მოაკიდოს.
გამოფხიზლება მისი უდაო
სხვა მოგონებებს უტოვებს სირცხვილს,
რადგან წარსულმაც მას დაუტოვა
გადაუხდელთა იმედთა რიცხვი.
არც ვალებს უხდის და არც უდგება
მევალეებთან ვისმეს თავდებად,
იმათთვის გული არ ეთუთქება,
არც ოქროები აუთავდება.
1927
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru