თქვენი ბინა
მე თქვენი ბინა, შემოვაღებ თუ არა კარებს,
დამხვდება, თითქო ვამარცხებდი სადღაცა დევებს;
მარიგებს იგი, მიალერსებს, მკიცხავს, მამხნევებს,
არავითარ გესლს და სინანულს არ გამაკარებს.
ვინ დაივიწყებს იმ გრიგალებს და ნიაგარებს?
მაგრამ ეს ბინა მაპატივებს და მომიტევებს
უგონო დღეებს, მწარე დღეებს, ყრუ ღამისთევებს,
და თვალებს ახალ სიხარულით გამიანკარებს.
1927
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru