გრიგალმა გადაიარა
ციკლიდან „ეპოქა“
გაბედე გულში ჩახედვა,
იქ ნაპერწკალი ცივდება,
მალე სხივები გრძნობისა
ფერფლებად გადაცვივდება.
უჩქარე ისევ გაღვივდეს,
უჩქარე ისევ აენთოს,
ის საჭიროა ხალხისთვის
რომ სიბნელის დროს დაენთოს.
ხალხი ჯერ ტკივილებშია,
ოდნავ მოშუშდა იარა,
იქ ხომ მძლავრმა და მქუხარემ
გრიგალმა გადაიარა.
1928
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru