ელვარება
ციკლიდან „ეპოქა“
ოდეს სილაჟვარდეს ნავი გადალახავს
ჰაეროპლანების არის ესკადრები,
თქვენი ელვარება, ავტომობილებო,
ცივი ასფალტების რკინებს ეკაწრება.
ახალ ტრამვაიდან, ახალ ტურბინებზე
ახალ რესსორებით უცდის შედარებას,
გათხრი მაღაროებს, მაღლა კვლავ აიტან
დროის ქიმიური ფენის მშფოთარებას.
მიჰყევ, გაუგონე ბორბლებს სიარული,
არის საუკუნე ინდუსტრიალური.
1928
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru