მაღაროებში
ციკლიდან „ეპოქა“
შევედით ვიწრო გამოქვაბულში,
სადაც მზის შუქი ვერ მოატანდა
მალე მაღალი მემაღაროე
სანთლის კიაფში გადაილანდა.
მომყევით, - გვითხრა, და ჩვენ გავყევით.
ლოდები იდგა სულთამხუთავი,
აგერ მუშები და წერაქვები,
მრავალ სინათლედ ალი მბჟუტავი.
მქუხარედ, როგორც რევოლუცია,
გადმოდიოდა ქვები ლოდებად,
რომელთ ქვეშ მალე დაიმარხება
კაპიტალიზმის გაბოროტება.
1928
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru