* * *ენაზე აკრავს ხალხი...
ციკლიდან „პაციფიზმი“
ენაზე აკრავს ხალხი, ნაცია.
დღისით შეხედავ, თითქო კაცია,
სხვა არ გეგონოსთ: ერთა ლიგაა
და საიქიოს კომპენსაცია.
ხან რომ შეხედო, ასე გგონია,
მოსკოვი მასთან მონაგონია,
ო, უსათუოდ დემოსფენია,
ო, უსათუოდ ციცერონია.
მადლობა ბედს, რომ არა ვართ მათი
ბუკი, ნაღარა, ბჭობა, კამათი,
ჩვენ მიგვიზიდავს მომავლისაკენ
სულ სხვა მიზანი და ანდამატი.
1930
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru