ინდოელების იყო მიტინგი
ციკლიდან „პაციფიზმი“
ინდოელების იყო მიტინგი.
იქ განაცხადეს:
ჩვენთვის მრავალი ხიფათი დიდი
ამზადებს ბადეს...
ახმაურდება სულ მოკლე ხანში
მრავალი ტომი...
იქნებ სულ მალე იქნეს რევანში
მსოფლიო ომის.
პროტესტები და მუქარა ისმის:
ვერ შევეთვისეთ!
უნდა დაიმსხვრეს იმპერიალიზმი
ბრიტანეთისა.
მრავალი ღელვის იქნება თემა
ქვეყნის უფლება,
სანამ ინდოეთს არ მიეცემა
თავისუფლება.
და ეს სჭირდება თვით ინგლისის ერს.
მის გულს, მის გრძნობას,
სიმშვიდის საკითხს,
ინგლისს, ევროპას.
1930
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru