უცხოელი ბავშვი
შორს გაფენილო
მინდვრების ტილო,
და გიგანტურო
ღრუბლების ჩრდილო!
ნისლების მძიმე
მტევნები მთაზე
რა სიმდიდრეა,
რა სილამაზე.
ნარინჯის ვრცელი
და ფართო ხალი,
თურინჯი, თუთა
და ფორთოხალი.
მძივები ნაზი,
ცვარი კამაზე...
რა სიმდიდრეა!
რა სილამაზე!
ეს ოცნებაა,
ოცნება ლაღი.
შენ რა, პატარავ?
სხვისია ბაღი.
სხვისია მძიმე
მტევნები ვაზზე,
შვება, სიმდიდრე
და სილამაზე.
1935
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru