* * * მზემ ისრები შემართა...
მზემ ისრები შემართა
და ღრუბლებში გარია;
მითხარ, რა დაგემართა?
მითხარ, რა გიხარია?
სავსე ნაზ და უმანკო,
მორცხვი დანაშაულის
გაიელვებს სახეზე
ელვა თურაშაულის.
რა ლამაზად გიხდება
შუა-გადაყოფილი
ყორნისფერი ნაწნავი,
მკერდზე გადმოწყობილი.
შენ არც დედა გყოლია,
შენ არც მამა გინახავს,
მაგრამ შენი ცხოვრება
ბრწყინავს, მზისთვის გინახავს.
1935
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru