საკაცე, ჩანთა, აირწინაღი
აგერ სწრაფმა სანიტ-რაზმმა
მიაშურა სანგრებს წინა.
მოქნილია, როგორც თასმა
და მაგარი, როგორც რკინა.
ფიცითაა მინაღები
საჭურველი ხელოვანთა,
ბანდი, აირწინაღები,
საკაცე და აბგა-ჩანთა.
ჭრილობების არის ხვევა,
გულმედგარი ებრძვის აირს -
როს ტყვიების არის რყევა -
და ქუხილი არყევს ჰაერს!
და ტრიალებს გაქანებით
მათი მძლავრი და მრავალი
თვითმფრინავი, მანქანები,
გემები თუ ორთქლმავალი.
რა დიდია მათი გრძნობა,
რა გულმტკიცე, რა მდიდარი,
სიცოცხლეთა გამოხმობა,
გამარჯვების საწინდარი.
1937
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru