* * * კალამთან - გუთნის კვალია...
კალამთან - გუთნის კვალია,
ხმალი და ფარ-მუზარადი;
ბევრი რამ წარმავალია -
ხელოვნებაა - მარადი.
იმ კალამს, გუთანსა და ხმალს
ზღვის საჭე მოემატება,
რომ ვარსკვლავისას ჩვენის ალს
უფრორე ჰქონდეს ნათება.
წარმავალია ყალბი ხმის
უცხო და ყალბი ბარათი,
სიცოცხლის, მხოლოდ სიცოცხლის
ხელოვნებაა - მარადი.
დაღვარე - რაც კი წყალია,
სვი ღვინო, ძველი შარბათი;
ბევრი რამ წარმავალია,
ხელოვნებაა მარადი.
1940
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru