Warning: mysql_connect() [function.mysql-connect]: Access denied for user 'litklubi'@'localhost' (using password: YES) in /home/litklubi/domains/litklubi.ge/public_html/biblioteka/blocks/litconfig.php on line 2

Warning: mysql_select_db(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 3

Warning: mysql_query(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 6

Warning: mysql_fetch_array(): supplied argument is not a valid MySQL result resource in /home/litklubi/domains/litklubi.ge/public_html/biblioteka/blocks/litconfig.php on line 7

ტაბიძე გალაკტიონ
გაზიარება

გზა გამარჯვების 

გზა გამარჯვების!
ფერადები ცას შელეკია,
ცას შელეკია
ფერადები ცეცხლის როფების...
ნუ დაგიმონებს
მოგონება, ნურც ელეგია,
ყრუ ელეგია
განშორება-დამშვიდობების!
ეხლა სხვა ვარდნი ირევიან
ქარიშხლის ნავზე,
ქარიშხლის ნავზე
ყველაფერი თრთის მონდომებით,
სხვა გრძნობებისთვის
იმოსება ბუნება სავსე,
ბუნება სავსე
განშორება-დამშვიდობებით.
ძველი მუხის ხე
ჩვენთანაა, ვით ძველისძველი,
ვით ძველისძველი
მეგობარი, მომსწრე ომების.
მას განუცდია
და წარშლია მრავალი წელი,
მრავალი წელი
განშორება-დამშვიდობების!
აჰა, სინათლემ
კავკასიის დაჰფარა ქედი,
დაჰფარა ქედი...
ნუ შეკრთები ამაოებით:
რაც დედამიწა
გაჩენილა - სავსეა ბედი,
სავსეა ბედი
განშორება-დამშვიდობებით.
გზა გამარჯვების!
დაიცავი შენი ქვეყანა,
შენი ქვეყანა გევედრება
დიდის ვედრებით:
კვლავ შეგვახვედრებს
გამარჯვების ახალი ხანა -
ახალი ხანა
აღტაცებით და შეხვედრებით!

1940

??????