რად მინდა ქვეყნად ცხოვრება
რად მინდა ქვეყნად ცხოვრება
თუ ის ვერა ვსთქვი, რაც მინდა,
შენი ზრუნვა და ფიქრები -
შენი დუმილი, მთაწმინდა.
სჯობს დავიწყებად ჩაჰკირო
გული, სპეტაკი და წმინდა -
მერანი უუნაგირო
თუ ერთ მწვერვალზე გაყინდა.
არა, გაჰფრინდეს მერანი,
როგორც სხვა რაში გაფრინდა,
აბჯართ იქმიან ჟღერანი,
დღეს სხვა ხმაური რად გვინდა.
1941
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru