კაბარეთა ხმაური, ტროტუარის ტალახი (მთარგმნელი ჩაბრაძე ბაჩანა)

კაბარეთა ხმაური, ტროტუარის ტალახი,

გაძარცული ჭადრები - ქარისგან განალახი,

ომნიბუსი ჭრიჭინა, ძლივს რომ იჭერს ბორბლები,

რკინის კორიანტელი, შლამით დანადორბლები,

ზანტად რომ მოჩანჩალებს წითელ-მწვანე შუშებით,

წევა-წევით, კლუბისკენ მიმავალი მუშები,

ცხვირწინ პოლიციელთა - პირში ჩიბუხ-ნაღვერდლით,

ნესტი, სახურავიდან, კედლებს ჩამონაღვენთი,

ქვაფენილი სრიალა და ზედ გუბე მრავალი,

აი, ჩემი შარაგზა - სამოთხისკენ მავალი.