ექსპრომტი თუნთას
წამოდი, მორჩა, რას მემართლები?!
გინდა, ვიცხოვროთ მხოლოდ ნაბადზე,
თან გავიყოლოთ თაფლის სანთლები,
და მერე თუნდაც ხატზე გადაგვცენ.
ვერ დაგვეწევა წყევლა დილამდე,
დავტოვოთ უკან კორიანტელი,
თუკი სულები ისე მივადნეთ,
რომ ჩამოვქენით ერთი სანთელი.
წყურვილს, რომელსაც დღემდე ვითმენდი,
მოვიკლავ ამ ცით, ამ წყლით, ამ მთებით,
და სანთლის ჩემი წილი სიწმინდით,
მაგ შენი გულის კოვზზე დავდნები.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru