მზესუმზირა
ტყეში ყვავის ბახალამ
მზესუმზირა დახალა.
ბნელ სოროში თხუნელა
გააბრუა სურნელმა.
– მეც კი ვაკნაწუნებო,
განა დავიწუნებო!
მერე ჩხიკვი მოფრინდა
ცარიელი თოფრითა.
– კარგი სუნი მეცაო,
ჩამიყარე მეცაო!
მელიამ თქვა, ვიყნოსო,
არვინ გამაბრიყვოსო.
სურნელია რისაო?
აჰ! მზესუმზირისაო!
გავიარო, ეგება
მეც რაიმე მერგება!..
ბახალამ თქვა: – რა გიყოთ,
რაც მაქვს, ყველას გაგიყოფთ.
ოცდაოთხი მარცვალი –
სულ ეს არის, რაც არის!..
როგორ გაყო, რა მოხდა,
ნუღარ დამღლით კითხვებით...
თითოს შეხვდა რამდენი,
თქვენ თვითონვე მიხვდებით!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru