გაზიარება

მაიას ძლისპირი. წიქარა

მაია– ეს სამყარო ანუ ილუზია

ვედები.

ნა–გუს

მივიხედე – ბუზსიტოლად რაღაც მოჩანს,
დედაჩემი იქნება კუდიანი და
ღორად ქცეულ მამაჩემზე ამხედრებული.
ვესროლე თმშეწნული სავარცხელი –
სუროხშირი ტყე გაჩნდა.
მივიხედე – ბუზსიტოლად რაღაც მოჩანს,
ჩემს და_ძმას გავს,
ოღონდ მტრების ჯარად ქცეულს,
ვესროლე სალესი ქვა –
სალი კლდე გაჩნდა.
მივიხედე – ბუზსიტოლად რაღაც მოჩანს,
ქალია შიშველი და სახემრუში,
ვესროლე ჩემი სხეული და
სამი ძე და სამი ასული გაჩნდა.
მივიხედე – ბუზსიტოლად რაღაც მოჩანს,
ღმერთი მომდევს
ძაღლად ქცეულ ეშმაკებზე ამხედრებული,
ვესროლე ჩემი სული და
სამოთხე და ჯოჯოხეთი ერთად გაჩნდა.
მივიხედე – ბუზსიტოლად რაღაც მოჩანს,
არც არა მქონდა, რომ მესროლა,
დავჯექი და დაველოდე.
მოფრინდა ბუზი და გაფრინდა.
მაშინ ვიფიქრე –
ეგებ ყველა ბუზი იყო,
გამეღიმა
და

გავქრი.