გვრიტი
- რას ამბობს გვრიტი ფრთამალი,
რა ამბავს მოგვახარებსა?
- გადმოვიქროლე ტრამალი,
დავბრუნდი მშობელ მხარესა.
აყვავებულა ბუნება,
მწვანე Mჩაუცვამს მთა-ველსა,
ნიავი მეჩურჩულება,
სხივი მიკოცნის თვალებსა.
მაღალი ღმერთის წყალობით
დავივლი ტყეს და ჭალებსა,
ლაღი ფრენით და გალობით
შევამკობ არემარესა.
მშვიდ ხეზე ბუდეს ავაგებ,
ბარტყებს დავჩეკავ ლაღებსა,
დავაფრენ, შემოვატარებ
მაღლა მთებს, დაბლა - ბაღებსა.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru