გაზაფხული
გაზაფხული მახარა
პაწაწინა ენძელამ...
სად ხარ, ჩემო შავთვალავ,
უშენობა მეძნელა.
ყველამ გული გაშალა, _
კვირტმაც, ვარდის კოკორმაც,
შენც ეს გული პატარა
გახსენ ჩემო გოგონა...
ყვავილების თოვლია,
ავაყვავოთ ფიქრებიც,
როგორც ზღვა და თოლია,
მუდამ ერთად ვიქნებით.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru