როგორ კარგი ხარ, როგორ უბრყვილო...
როგორ კარგი ხარ, როგორ უბრყვილო,
როგორ ლამაზად ითმენ რაღაცებს,
მსურს კალამს ვკითხო, კი არ ვიყვირო,
დღეს სიყვარულზე რატომ აღარ წერს?
სინათლევ, ალვავ, ბროლო, ალმასო,
დღეს მინდა შენით ლექსი ავავსო.
დღეის დღევ, გეტყვი (რაა სამალი):
სული იმგვარად ამყვავებია,
გრძნობს _ ქვეყანაზე არსად, არავინ,
კარგო, შენსავით არ ჰყვარებია.
1997
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru