"ჟამი ესეცა წარვლის..."
იესე ბარათაშვილის ბეჭდის წარწერა.
ყველას დრო წასულა,
ჩემი დროც წავა,
ყველა მზე ჩასულა,
ჩემი მზეც ჩავა...
აქეთ ნატბეური,
იქით ნამარნალი,
ხმალი - წართმეული,
იყო... აღარ არი.
მოდი და,
ეს იყოს
მაინც საცნაური:
მომავალს ვესიტყვოთ
სიტყვით აზნაურით,
თორემ დრო წასულა,
სიცოცხლეც წავა,
ჩემი მზე წასულა,
შენი მზეც ჩავა!
1958 წ.
თბილისი
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru