მტკვარზე გამოჩნდნენ ნავები
ტალღებზე თეთრად ელავენ,
ორთაჭალიდან მოჰქრიან,
მეც წამიყვანე, მენავე!
წამიყვა, ერთად ვუმღეროთ
ამხ ეობას და მთა-გორებს,
ამყევი, ამიყოლიე,
აღმა და აღმა მაქროლე!
მომწყინდა დაღმა დინება
წნელით შეკრული ტივითა,
აქ წამოვიწყებ სიმღერას,
მტკვრის სათავემდის მივიტან!
ტივით ზოზინი მომწყინდა -
მოქნევა ორთაყვირისა,
წამიყვა, ვნახოთ მშვენება
მტკვრის და არაგვის პირისა.
მტკვარზე გამოჩნდნენ ნავები,
ტალღებზე თეთრად ელავენ,
მტკვრის სათავისკენ მიჰქრიან,
მეც წამიყვანე, მენავე!
1954წ.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru