გაზიარება

კრიალოსანი

მთელი შემოდგომა თავზე დავიყარე პეპლებად,
ფხალის ფოთოლივით შუბლზე დავიფინე სიბერე,
ცხელი ნაკვერჩხალი ძალაუნებურად ნელდება,
ჯერაც ჯიუტი ვარ - (ალბათ, მენანება) - ვუბერავ
სულს და... ეს ცხოვრება კრიალოსანია (გიშერი),
კოვზი რომელია? - მკლავი ჩამივარდა ნაცარში,
ჩემო, რამდენჯერ და... მახსოვს, იმდენჯერვე მიშველე...

ახლა ყველაფერი შენთვის მომიძღვნია, რაც დამრჩა!..