ეს ბილიკი მაინც მოგიყვანს ჩემთან

ეს ბილიკი მაინც მოგიყვანს ჩემთან

შენ გამირბიხარ იმიტომ, რომ ფიქრი მოგსდევს კვალდაკვალ...

შენ მე მკეცავ ძველი წიგნის გაყვითლებული ფურცლებივით

და ნიშნულს აკეთებ, გინდა, გამაგრძელო,

მაგრამ ვერ ახერხებ და შორეულ თაროზე დებ, რომელსაც ალბათ მტვერსაც კი არ გადაწმენდ.

თვალებში იკირება ის, რაც მე ჯერ არ მითქვავს შენთვის

და რაც მითქვავს,

იმის გადავიწყება არ შეგიძლია.

შენ გამირბიხარ,

როგორც კეთროვანს

და ამავე დროს გინდა შემეხო,

როგორც ყველაზე სასურველს ამ ქვეყნად,

აკრძალულს

და...

ჰო,

გამირბიხარ,

თუმცა კარგად იცი, რომ ეს ბილიკი მაინც მოგიყვანს ჩემთან.